.๑. My SMS .๑.

سنكون هنا يوما ليس للكتابة ولكن ستعيدنا الذكرى لقراءة ماكتب twitter: @Alshemlani84

 

الجمعة، 26 ديسمبر، 2008

أنا راحل

أنا راحل أنا راحل ...
دخيلك لاتناديني بدور في ربا الغربه حنان ضاع بأوطاني
.......
لرائعه : صدى الحرمان ( رحمها الله )
...
كلمات اعجبتني كثيراً وضعتها في تصميم
لكم وردي وودي

الجمعة، 19 ديسمبر، 2008

تساليني


تساليني
وش هو آخر هالمشاعر
ونهايتنا فراق
تساليني
وكل حرف منك يموت اجابه
ويسل في صدري الكآبه
يابدايه
وش نبي نرسم ملامح لنهايه
دام هذا الحزن فينايسكن بكل الزوايا
تساليني والله يعلم
ماهو ذنبي
يوم قلبي
حب قلبك وادمنه
ولا يفيد
لو بعيد
دام قلبي تسكنه
اساليهم...
وش كثر
عشت عمري انتظر
بين حزن ماغفى...
وبين حظِ ماصحى ...
وقلب على باب الصبر...
ينتظر
بس لانه يموت فيك
وتساليني
وش هو آخر هالمشاعر
ونهايتنا فراق
ياغلاتي
كان ودك في سؤالك تبعدين
لايهمك
ولايغمك
ولا تخافي تجرحين
انجرح...
ومااشوف في عيونك اي حزن
وان بكيت ...
لايهمك دمع يجففه الزمن
وان رحلت...
يكفي اني كنت في قلبك حبيب
حتى لو ارجع غريب
..................
بقلمي : عزف الوداع

الاثنين، 15 ديسمبر، 2008

مادريت


مـادريــت وش صــار فــيـنـــي
يوم عني غاب صوتـك
رحت اضم لك صورة عندي
على الاقـل اسمع سكوتـك
وش اسوي مـالـي حيـلــه
غيــر بروازكــ اشيـلـة
واشـكـي هـمـي واشتكـي له
شوف جرحي لايفـوتك
ليــتــنــي انـــــــــا مـكانـــك
ولـيـت بـالـدنـيا بـقـيـت
بــس مـاافــقــد حنــانـك
مـهما رحت ومهما جيت
انــت كــل دنيــاي واكـــثــر
وانـا من فــرقـاك مااقدر
مــن حــنـانـك اتــعــطــر
شـوف جـرحي لايفوتك

.......

كلمات . منصور الشادي

...........

كلمات تلامس جرحي فوضعتها في تصميم

مادريت اتركه بين ايديكم

لكم وردي وودي



الخميس، 11 ديسمبر، 2008

للعيد فرحه


ياصاحبي بعد هذا العيد وشلونك
قلي عسى خاطرك عن صاحبك راضي
والله قهرني مرور العيد من دونك
رميت عطري وثوبي وباقي اغراضي
من غير ضحكة شفاك وشوفة عيونك
للعيد فرحه ولكن جت على الفاضي
,,,,,,,,
احبتي هكذا هي الاعياد من دون الاحباب
فرحة لا تكتمل ...
او بالاحرى عيد تكون فيه الضحكة اشبه
بوردِ ذبل من الجفاف
احبتي
تصميم اضعه هنا ولو لم تكن الصورة لمذكر
ولكن لايماني بان الصورة سواء كانت
لمذكر او مؤنث ستحكي مايريد الجنسين قولهما في العيد من دون احبابهم..
يكذبون ان قالوا ان العيد فرحة وابتسامه
شف على كثر الاوادم مالقيت ايام عيدي
لكم وردي وودي
دمتم في حفظ الرحمن



السبت، 6 ديسمبر، 2008

كل عام وانتم بخير


احبتي صفحه خصصتها لتهنئتكم بقدوم عيد الاضحى
واتمنى لكم من الاعماق عيداً سعيداً
florist
ملكة الاحساس
انفاسي
احساس طفله
روري
اقصوصه
princess-6yoob
دودي
دنيتي كلها
بنت احمد
قلب المحبه
روح تفاحه
ddp
just A girl
نبض الروح
جنون
عروق تسقا عشقا
بحثت عن كلام جميل اضعه هنا فحارت الاحرف
ماذا عساني ان اقول بشيئ يليق بمقامكم
فكل حرف يسكن صفحتي يقف خجلاً عن التعبير بمدى اعتزازي يكم
احبتي
لكم ودي ووردي
كل عام وانتم بخير

الاثنين، 1 ديسمبر، 2008

يامحلات الهدايا


يامحلات الهدايا
في المطار وفي الشوارع والزوايا
اسمحي لي
لو هجرتك ... او غدرتك
لانه مابقى في الناس ناس
يستحقون الهدايا
...................................
كلمات اعجبتني كثيراً لشاعر الكبير :
سعد علوش
............................
فاحببت ان اضعها في تصميم بسيط