السلام عليكم ورحمة الله وبركاته
تقاسيم هي صفحة لحروف بلا تصاميم
تقاسيم هي رسائل احتفظ فيها
في هاتفي الشخصي واحببت ان اطلعكم عليها
هي حروف اجهل من كتبها ولو علمت لكتبت اسم كل من ابدعها
احبتي تقاسيم ساضعها بعد كل فتره
ـــــــــــــــــــــــــــ تقاسيم 1ـــــــــــــــــــــــــــــ
الصمت اوجع من مدى زفرة البوح
والبعد اقسى من الظما لحاجة المي
تدري وش اللي ينهك القلب والروح
انك تعيش لشي عدك ولا شي
ــــــــــــــــ.....ـــــــــــــــــــ.....ـــــــــــــــــــــــــ
ماعادت ايام العمر مثل ماهي
وماعادوا احبابي مثل اول احباب
ماعاد يلفت في الزحام انتباهي
لانظرة عيون ولا كلمة اعجاب
اصرخ وصرخاتي مداها شفاتي
وابكي ودمعي على حد الاهداب
ــــــــــــــــ.....ـــــــــــــــــــ.....ـــــــــــــــــــــــــ
من غبت عني مابقى شي مني
كل الاماكن في غيابك غريبه
كنك ضمى وانا من الفقد كني
ليل جفاه الضي واعلن مغيبه
ــــــــــــــــ.....ـــــــــــــــــــ.....ـــــــــــــــــــــــــ
علمني ليه يقتلني الغياب
ليه هو اللي يهزم مدمعي
ضعت في دربه وليل الامس شاب
ماقدرت انساه وهو دايم معي
اقلب الصفحه وكل عمري كتاب
لاقريته مت باطراف اصبعي
اقفل ابواب الحزن والجرح باب
يتكسر قفله ومفتاحه معي
ــــــــــــــــ.....ـــــــــــــــــــ.....ـــــــــــــــــــــــــ
ياراحل عني غصب
يعز علي اودعك
اعفيني من حرق الدمع
ماقول غير الله معك
ــــــــــــــــ.....ـــــــــــــــــــ.....ـــــــــــــــــــــــــ
لكم وردي وودي
