.๑. My SMS .๑.

سنكون هنا يوما ليس للكتابة ولكن ستعيدنا الذكرى لقراءة ماكتب twitter: @Alshemlani84

 

الخميس، 27 أغسطس 2009

الأمل


على درب الأمل ارسم
خطاوي [ ضحكتي ] للحين
وأنا ادري لاأمل باقي
ولا لي خلق للضحكه
:
ابيات مما اعجبتني
..............................
:
أجمل مافي الحياه هو ان تعيش على الامل
ولاتجعل طريقاً لليأس ....
حتى وان كان الأمل ضعيفاً
فسر الحياه موجوداً في كلمة أمل
:
:
لكم وردي وودي

الأربعاء، 19 أغسطس 2009

أبيك


مدخل ::
كل حب لايقترن بكِ
لايعني لي شيئاً
فانتي كل الحب فيني
:
:
ابيك
في كل شي انا ابيك
بس تعالي
لحظه اشوفك قبالي
تمسك يديني يديك
واحضنك
واهمس باذنك
ابيك
لا انا ميت عليك
يادفاي
وياوفاي
لو اعيش بعمر ثاني
والله اني ياحناني
لاعشقك الفين مره
لاعشقك الفين مره
انتي ....انتي
في حياتي
من هي انتي ؟
انتي نسمه
واحلى من ايات نسمه
انتي اجمل
من سكن فيني ..... واكمل
انتي احساسك وفا
انتي انفاسك دفا
انتي شمسي
وانتي بدري
انتي في الاخر ياعمري
انتي تعني لي الحياه
:
:
مخرج::
احبك بقدر كل حرف خطه البشر
:
:
بقلمي
لكم وردي وودي

الخميس، 13 أغسطس 2009

تجاهلت الوداع

تجاهلت الوداع
وقلت ياصاحبي وش جاك
ترش الماء
على رمضى الطريق وصاحبك ظامي
:
:
حروف اعجبتني احببت ان اضعها
في تصميم بسيط اتمنى ان يرقى
الى ذائقتكم

:

لكم وردي وودي


الاثنين، 3 أغسطس 2009

فيني وطن


مدخل
وددت الرحيل بعيداً عن مواطن الفراق
وجدت نفسي منتصف لطريق
اوله انتظار....
وآخره انتظار...
.
.
.
اسالي الاحساس فيني
واسالي نبضي وحنيني
اساليهم ياحياتي
وش اكون انا بدونك
ومن اكون بلا عيونك
شخص جالس
على سكة انتظارك
لاتغيبي تعبت طول الانتظار
باختصار
تعبت من هذا البعاد
ابي قربك
ابي جنبك
اعيش العمر للاخر
انا احبك
وربك احبك
ماابي عني تروحي
ولا ابي عنك اروح
ملت دروبي الجروح
تساليني عن غيابك
وش يصير
يصير لي الشي الكثير
اقلها بس تغيبي
كل هالعالم يغيب
وابقى من بعدك غريب
بلا وطن
وفيني وطن
كله ينادي ابيك
.
.
.
مخرج
كل اوطاني ترفض رحيلك
فانتي معزوفتي
ان ذهبت توقف كل شي
حتى نبضي
.
.
بقلمي
لكم وردي وودي